Милитанти вооружени со огнено оружје и мачети убиле најмалку 15 лица, а раниле четворица во напад извршен рано врз село во источната провинција Итури во Конго, соопштија локалните власти.
Напаѓачите упаднале во селото Сјери Аберкозо во мугрите и ги исекле селаните со мачети, а потоа запалиле неколку згради, потврдил локалниот функционер Инокент Матукадала, пренесуваат агенциите.
„Имаме околу 15 загинати и четворица ранети. Двајцата повредени се во критична состојба и не знаеме дали ќе преживеат по Божја волја“, рече Матукадала и ја обвини „Кодеко“ за нападот, која претходно овој месец уби 60 лица од кампот за раселени лица во друго место во провинцијата Итури.
„Кодеко“ е една од неколкуте милитантни групи активни во источно Конго, каде што судирите околу земјата и ресурсите поттикнаа децениско насилство.
