Француската фармацевтска компанија „Санофи“ го најави почетокот на првото тестирање на луѓе на својата вакцина против Ковид-19.
Оваа вакцина работи врз принципот на пренесување РНК-информации, како „Фајзер-Бионтек“ и Модерна“.
„Санофи“ ja развива вакцината заедно со американскиот партнер „Транслејт био“.
Испитувањето ќе се изврши на 415 волонтери во првата фаза, и ако покаже добри резултати во третото тримесечје од оваа година може да почне втората фаза на испитувањето.
Првиот кандидат на вакцината на „Санофи“ сè уште е во фаза на тестирање, а оваа добро позната француска лабораторија доцни значително во однос на нејзините конкуренти во светот.
Оваа прва вакцина, која работи на принципот на рекомбинантен или хетеролошки протеин, ја развива „Санофи“ во соработка со британскиот ГСК.
Во моментов е во втора фаза на тестирање и „Санофи“ се надева дека оваа нивна прва вакцина би можела да биде готова до крајот на годината.
За тоа време, оваа француска лабораторија, од летото, ќе помогне во пакувањето на вакцините на „Фајзер“ и „Џонсон и Џонсон“.
