Три лица се убиени во напад во болница во Килмарнок во Шкотска и напад со нож во близина на болницата, соопшти полицијата.
Како што наведе полицијата, 39-годишна жена, медицинска сестра вработена во болницата, починала на паркингот на Универзитетската болница, откако била најдена со тешка повреда. Таа починала и покрај лекарска интервенција на самото место.
По само 20 минути, друга жена на 24 годишна возраст, била избодена со нож во градот Аиршир и била итно пренесена во болница со возило на брзата помош, каде подоцна починала.
Медиумите пренесуваат дека се работи за мајка и ќерка Ема Робертсон Коупленд (39) и Никол Андерсон (24). Полицијата се уште не го потврдила нивниот идентитет.
Подоцна 40-годишен маж загинал, откако со автомобил удрил во надвозник. Полицијата верува дека трите случаи се поврзани, но дека не се работи за тероризам.
