Намален е прометот во трговијата на мало, покажуваат податоците на Државниот завод за статистика за август годинава, во споредба со истиот месец лани.
„Намалување на прометот е забележано во групите: Трговија на мало со храна, пијалаци и тутун (номинално за 7.2 %, а реално за 9.6 %), Трговија на мало со непрехранбени продукти, освен гориво (номинално за 14.8 %, а реално за 14.8 %) и Трговија на мало, освен трговија со горива (номинално за 11.1 %, а реално за 12.2 %) и Трговија на мало со автомобилски горива (номинално за 37.9 %, а реално за 29.7 %)“, наведуваат од Државниот завод за статистика.
