Кавадарци, 3 април 2020 (МИА) – Надминат е проблемот со водата за пиење од регионалниот водовод Лукар која беше заматена поради дожд и топење на снегот и според препораките на надлежните, требаше да се преврива пред употреба.
– Од Центарот за јавно здравје Кавадарци не известија дека резултатите од последните земени мостри на водата за пиење од градскиот водовод Лукар, како физичко-хемиски, така и бактериолошки се исправни, односно водата е безбедна за пиење, информираа од јавното претпријатие „Комуналец” од Кавадарци.
Бидејќи водата е во нормална состојба, препораката за превривање на водата се укинува. свд/бак/
