Гарбиње Мугуруса ја освои титулата на Завршниот мастерс. Во финалето, во Гвадалахара, Мугуруса ја победи Анет Контавејт од Естонија со 6/3, 7/5. Мечот траеше 99 минути. Мугуруса е првата тенисерка од Шпанија која победила на Завршниот мастерс.
Во првиот сет Мугуруса три пати успеа да и го одземе сервисот на противничката, Контавејт направи само еден брејк. Вториот Естонката го започна добро, но не успеа да го заврши во таков стил. Имаше Контавејт предност од 5:3, но до крајот на теренот доминираше Шпанката која освои четири гема и го заклучи мечот.
Мугуруса, која во кариерата има две гренд слем титули (Ролан Гарос 2016, Вимблдон 2017), годината ќе ја заврши на третото место, додека Контавејт на завршната листа е на седмото место.
> Мугуруса го освои Завршниот мастерс <
