Директорот на Агенцијата за млади и спорт, поранешниот македонски ракометен репрезентативец, Наумче Мојсоски во . порака им посака среќа на нашите ракометари пред првиот дуел со Шведска на Светското првенство во Египет.
„Знам дека овие храбри момци, овој тим ќе го даде својот максимум и ќе “гине” на терен. Ви посакувам успешен мундијал и на чело со селекторот и капитенот, се надевам дека ќе го истераме ова како што и вие самите заслужувате. Во оваа репрезентација гледам иднина“, порача Мојсоски во обраќањето.
„Капитене, ти ја подавам топката за гол!“, рече Мојсоски на крајот од своето обраќање.
> Мојсоски со порака до ракометарите: Сакам оваа генерација да ги надмине нашите успеси <
