„Се знаат боите на сите репрезентации, има црвена и жолта боја, боите мора да се тие. Самата федерација ги одредува боите и незаконски е да се вметнува друга боја“ кажа Наумче Мојсоски, директорот на Агенцијата за млади и спорт во емисијата „Студио 10“ на ТВ24.
„Не е важно кој е претседател на ФФМ, важно е дека законот не се почитува. Во сите светски федерации тоа е уредено со Законот за спорт“ кажа Мојсоски.
Тој додаде дека реакциите во јавноста биле доволно јасен показател за тоа што публиката сака.
„Се покажа дека дресот не поминува и не е лице на македонската репрезентација, па по реакциите на јавноста дресот се промени“ заклучи Мојсоски.
