Молдавија има „историска“ можност да се приклучи на Европската унија и сите проекти што ја приближуваат земјата до ЕУ не смеат да го заменат патот кон полноправно членство, изјави денеска премиерката Наталија Гаврилита, додавајќи дека кандидатскиот статус не треба да се доделува само на Украина.
Ројтерс наведува дека оваа земја ги забрзала напорите за влез во ЕУ поради страв дека може да биде вовлечена во конфликтот во Украина.
Премиерката на Молдавија изјави дека владата на таа земја цврсто верува дека членството во ЕУ е нешто што носи мир, стабилност и напредок, како и дека сакаат да бидат дел од слободниот свет и европското семејство.