ВМРО-ДПМНЕ очекува ллистата предводена од Ангел Карапетров да освои повеќе советници од досегашната бројка на вонредните избори за Советот во општина Тетово.
Ова го истакна лидерот на ВМРО-ДПМНЕ, Христијан Мицкоски на почетокот на кампањата за избор на советници во општината.
„Очекуваме бројот на гласови да биде поголем иако периодот кој што е сега е навистина предизвикувачки поради годишните одмори кои што ги користат нашите сограѓани. Но, мислам дека мобилизацијата ќе биде на високо ниво. И ценам дека граѓаните овде во Тетово на овие избори и ќе гласаат НЕ односно ќе гласаат ПРОТИВ коалицијата на СДСМ и ДУИ. А, ќе гласаат ЗА ново, модерно и современо Тетово, и нормално ќе гласаат за советничката листа ВМРО-ДПМНЕ, преводена од Ангел Карапетров“, рече Мицкоски.
Владата минатиот месец донесе решение за распуштање на Советот на Општина Тетово, бидејќи навремено не ја усвоија завршната сметка на Буџетот. По владината одлука, претседателот на Собранието, Талат Џафери распиша избори за членови на Советот кои ќе се одржат на 20 август.