Претседателот на ВМРО-ДПМНЕ Христијан Мицкоски, заедно со потпретседателите Александар Николоски и Тимчо Муцунски оствари средба со амбасадорот на НР Кина во Македонија, Џанг Ѕуо.
На средбата, како што информираат, се разговарало и за економските предизвици кои ја засегаат земјата, но и светот и дека само зголемена соработка на економско поле и отворени економии може да придонесат за што побрзо оставање на кризата зад нас.
На средбата станало збор и за лошото управување на државата од страна на СДСМ и ДУИ, што е причина за големата инфлација и сиромаштијата која е се поприсутна.
Мицкоски истакнал дека ВМРО-ДПМНЕ е партија која е спремна по наредните предвремени парламентарни избори да ја води државата и да ја извади од кризата.
На средбата било потенцирано и дека Македонија е земја која својата иднина ја гледа во ЕУ, и е посветeна на тој процес.