Американскиот функционер Метју Палмер повеќе не е специјален претставник на американскиот претседател задолжен за реформирање на Изборниот закон на БиХ, пишува сараевскиот портал „Кликс“.
Повикувајќи се на своите сознанија, „Кликс“ пишува дека јавноста наскоро треба да дознае кој ќе го замени на тоа работно место, односно кој американски функционер ќе и се придружи на Анџелина Ајхорст, претставничка на Европската унија во мисијата за промена на Изборниот закон на БиХ и приближување на позициите на политичките лидери за изборните реформи.
Во последните месеци Палмер работеше со Ајхорст и политичари од БиХ на измените на изборното законодавство, но без никаков успех, потсетува порталот.
