Официјално заврши мандатот на Ангела Меркел како канцелар на Германија, а претседателот на Републиката Франк-Валтер Штајнмаер ѝ се заблагодари за нејзината работа.
„ Ова канцеларство беше едно од најважните во историјата на републиката“, рече Штајнмаер во Бундестагот, врачувајќи ѝ документ за престанок на нејзините надлежности.
Денеска се одржа првата организациска седница на новиот германски парламент. Меркел и другите членови на германската влада сега ќе работат како вршители на должност додека Германија не добие нова влада.
