Sвездата на „Трансформерс“ Меган Фокс го запозна своето сегашно момче Ричард Колсон Бејкер, попознат како Машин-ган Кели, на снимањето на филмот Midnight in the Switchgrass. Таа знаела дека тој е вистинскиот штом првпат се погледнале.
Во интервју за „Вашингтон пост“ актерката рече: „Првиот пат кога погледнав во неговите очи, почувствував како да го познавам. Си помислив: те познавам многу пати, во различни форми, во различни животи. Ти си моја сродна душа.“
Раперот претходно призна дека не знаел што е љубов сè додека не ја запознал Меган. “Не знаев што е љубов сè додека јас и таа воспоставивме контакт со очите. Откако го завршив поголемиот дел од албумот Tickets to my Downfall, се вљубив за првпат.“
А, Меган неодамна на своето момче му даде шишенце со нејзина крв на ѓердан, за да не му недостасува кога ќе замине од земјата на снимање филм.
