Утрински Весник
Спорт

Мартинез: Нема војна меѓу Белгија и Реал Мадрид околу Азар

Мартинез: Нема војна меѓу Белгија и Реал Мадрид околу Азар

Белгискиот селектор, Роберто Мартинез, ги отфрли шпекулациите дека има отворено непријателство меѓу белгиската репрезентација и Реал Мадрид околу рехабилитацијата од повредите на Еден Азар, оценувајќи дека „наместо војна има заедничка работа“.

Азар воопшто не настапил за Белгија во 2020 година, и повторно не е во селекцијата за квалификациските мечеви за СП 2022, откако пак се повреди веднаш по враќањето и Реал го разубедија да не оди на операција на скочниот зглоб.

„Работиме во иста насока како Реал Мадрид. Има одлична соработка меѓу медицинските тимови и ги уверувам навивачите на Мадрид дека и ние посакуваме само најдобро за Еден. Рехабилитацијата започна, а шпекулациите се работа за медиумите. Експертите кажаа дека нема да има операција, така што нема војна, нема поделби, туку заедничка работа за решение“, вели Мартинез.

30-годишниот Азар се мачи со низа повреди по пристигнувањето на „Сантијаго Бернабеу“ во летото 2019, и одигра сасмо 25 меча за „кралевите“ оттогаш.

> Мартинез: Нема војна меѓу Белгија и Реал Мадрид околу Азар <

Извор: Makfax

Можете да прочитате

Верстапен победи на трката за Големата награда на Лас Вегас

Поранешниот претседател на Јапонската фудбалска федерација, Ташима, поднесе кандидатура за претседателските избори на ФИФА

Почина Владимир Секуловски, поранешен македонски репрезентативец