Лидерката на француската десница Марин Ле Пен вети дека доколку победи на претседателските избори ќе ги повлече вооружените сили од командата на Северноатлантската алијанса.
Ле Пен нагласи дека нема да ги префрли француските војници во комбинираната команда на Алијансата, ниту, пак, ќе и биде на располагање на идната европска команда, пренесува РИА Новости.
Според неа, Франција нема да се потчини на американскиот протекторат.
Таа додаде дека ја поддржува идејата за приближување со Русија.
