Седумнаесетгодишен велосипедист загина откако во него удрил автомобил на патот Струга – Охрид.
Според информациите на МВР, вчера во 11 часот во полиција било пријавено дека на регионалниот пат Струга-Охрид, помеѓу село Подмоље и Авто камп, К.Р.(21) од Струга со автомобил „мерцедес“ со струшки регистарски ознаки удрила во 17-годишен велосипедист од село Ливада, струшко.
Од здобиените повреди велосипедистот починал на местото на незгодата, а смрт констатирал лекар од Итна медицинска помош.
К.Р. била пренесена во болницата „Св.Еразмо“ каде ѝ биле констатирани телесни повреди. Извршен бил увид на местото на настанот од увидна екипа на СВР Охрид.
