Францускиот претседател, Емануел Макрон, неделава ќе разговара со грчкиот премиер, Кирјакос Мицотакис. Тема на разговорот ќе бидат затегнатите односи меѓу Европската Унија и Турција, соопшти денеска канцеларијата на Макрон.
Макрон и Мицотакис ќе присуствуваат на самитот МЕД 7 на францускиот остров Корзика на 10 септември, заедно со лидерите на Португалија, Шпанија, Италија, Кипар и Малта, објави „Ројтерс“.
Сојузниците на НАТО, Турција и Франција имаат спротиставени ставови за Сирија, Либија и за спорот на Анкара со Грција околу енергетските ресурси во источниот Медитеран.
