Барселона си ја заврши работата уште во првиот меч од осминафиналето на ЕХФ Лигата на шампиони, откако со убедливи 37:25 (19:12) го совлада Елверум на гости во Норвешка за мечот во „Палау Блауграна“ да биде само рутина.
Барселона беше единствениот тим кој беше „совршен“ со сите победи во натпреварите по групи во овогодишното натпреварување и беше огромен фаворит против Елверум. Тоа тие го докажаа и на паркетот водејќи од самиот старт до финишот на мечот.
Дика Мем ги предводеше Каталонците со 7 гола, а по четири постигнаа Фабрегас, Циндриќ, Јанц и Н’Гесан, додека кај домаќините, Александер Кристоферсен Блонз и Томас Солстад имаа по шест гола.
> ЛШ: Барселона „моќна“ во Норвешка <
