Претседателот на Белорусија, Александар Лукашенко, изјави дека нема да поднесе оставка сè додека и последниот полицаец од специјалните единици за сузбивање на немирите не го побара од него.
„Додека и последниот полицаец од специјалната единица за контрола на немирите не ми рече да заминам, јас ќе стојам цврсто на ова тло, рамо до рамо со вас затоа што вие и јас немаме ништо друго освен оваа земја“, рече Лукашенко за време на посетата на специјалната полициска единица во Минск.
Претходно, специјалната белоруска полициска единица за смирување на немирите му додели највисок орден на Лукашенко – црна беретка за „специјалната служба“. За возврат, претседателот им додели награди на претставниците на полицијата и армијата.
