Претседателот на Белорусија Александар Лукашенко објави дека повторно бил заразен, но овој пат со сојот омикрон.
„ Забележуваме дека омикрон е друг тип на вирус. Ми се чини дека се проширил на обичниот грип. Зборувам како човек кој е заразен по втор пат, овој пат со вирусот омикрон“, рече Лукашенко.
Според зборовите на белорускиот претседател, овој вид не предизвикува пневмонија и нагласил дека се заразил, а речиси и не забележал дека е заразен. Дури на крајот, кога го направил тестот, открил дека е заразен.
Лукашенко смета дека Русија ја направила вистинската тактика во борбата против пандемијата.
„ Русија му пристапи на вирусот на вистински начин и обично се спроведуваат амбулантски третмани. Овој вирус не е толку опасен. Се разбира, постарите луѓе се поподложни на вируси, како и луѓето кои страдаат од кардиоваскуларни болести, дијабетес, болни од рак и астматичари“ истакна Лукашенко.
Тој додаде дека, се разбира, потребно е луѓето да се заштитат, но не треба многу да се грижат, туку едноставно да живеат.
Претходно, Лукашенко објави дека на крајот на јули 2020 година го победил коронавирусот без никакви симптоми. Во есента 2021 година, тој рече дека е подготвен да се вакцинира, но ќе ја чека белоруската вакцина, која треба да биде пуштена во промет во 2023 година.
