Информациите од Русија се дека по завршувањето на сезоната, шампионот Зенит ќе добие нов стопер.
Имено, Србинот Бранислав Ивановиќ решил да го напушти рускиот првак, а на негово место најверојтно ќе дојде хрватскиот дефанзивец од редовите на Ливерпул, Дејан Ловрен.
Хрватот е четврта опција во екипата на Клоп, па признава дека е незадоволен од статусот.
Има договор уште една година со „црвените“, а Ливерпул сака да го продаде. Клоп има намера на негово место да го донесе Кулибали од Наполи.
Зенит, пак, освен Ивановиќ на стоперската позиција го има и Осорија кој е на позајмица од Порто, Аргентинецот Маману и младиот Прокин.
Искуството на Ловрен би било добредојдено во тимот од Санкт Петербург.
