Британската шефица на дипломатијата, Лиз Трас објави дека ќе се кандидира за наследничка на премиерот Борис Џонсон.
„Ќе се борам на овие избори како конзервативец и ќе владеам како конзервативец“ изјави Трас (46) за „The Daily Telegraph“.
На објавата за кандидатура на актуелната шефица на дипломатијата се придружуваат уште деветмина кандидати во трката за челник на Конзервативната партија.
Од Трас се очекува да биде водечкиот кандидат. Таа најавува дека „од првиот ден ќе почне да ги намалува даноците“ како би помогнала во соочување со растот на животните трошоци.