Новиот напаѓач на Барселона, Роберт Левандовски, уште еднаш изрази уверување дека тимот ќе освои трофеи оваа сезона, и покрај неуспешниот старт во Ла Лига против Рајо Ваљекано (0:0).
„Мислам дека беше доволно време Барса да не освои трофеј. Сигурен сум дека ќе освоиме неколку пехари оваа сезона“, изјави полскиот напаѓач.
Тој уште еднаш потенцираше дека го направил вистинскиот потег со трансферот на „Камп Ноу“.
„Кога првпат дознав дека Барселона е заинтересирана да ме донесе во тимот, веднаш помислив дека ова е совршен момент и за мене и за клубот“, истакна Левандовски.