Претседателката на Европската комисија Урсула фон дер Лаен вели дека на самитот на лидерите на ЕУ во Брисел е договорено да се поддржи енергетската транзиција во ЕУ-27 со 300 милијарди евра од европските фондови.
Таа наведува дека ослободувањето на ЕУ од зависноста од рускиот гас се заснова на изнаоѓање други извори, подобро меѓусебно поврзување на гасоводи низ ЕУ и стратешко складирање, како и големи инвестиции во обновливи извори.
„Имаме добри вести. Во моментов нашите резерви на гас се на 45 отсто од вкупниот капацитет, што е за 5 отсто повеќе отколку што имавме минатата година во исто време“, рече Лаен, пренесе Танјуг.