Кувајт вчера почна јавна кампања за помош и поддршка на палестинскиот народ, најавена од помошник-потсекретарот за социјален развој при кувајтското Министерство за социјални работи, Хана Ал-Хајри, пренесува „Мидл Ист монитор“.
Ал-Хајри рече дека кампањата е во рамките на определбата на Кувајт за застапување и поддршка на Палестина и е под директиви на кувајтскиот кабинет.
„Добротворните организации организираат многу донаторски кампањи за Палестина како постојани проекти во текот на целата година“, додаде таа.
Помошник-министерот за надворешни работи, за развој и меѓународна соработка, Насер Ал-Субаих, потврди дека палестинската кауза е прашање на принцип и јавна политика во државата и додаде:
„Она што го правиме е проширување на она што го сторија сите претходни влади“, повикувајќи ги граѓаните и жителите да ја поддржат кампањата.
