Делчево, 22 април 2020 (МИА) – Триесет и двегодишник од Делчево доби кривична пријава за фалсификување банкноти од 2.000 денари. Според полицискиот извештај,лицето И.С.(32) од Делчево иако знаел дека банкнотите се лажни, не ги пријавил туку ги употребил во казино во Делчево.
– На 8 јануари.2020 во казино во Делчево пријавениот, иако знаел дека се направени лажни банкноти во апоени од по 2.000 денари, со ист сериски број, и бил должен да ги пријави како фалсификувани, тој му ги дал на лицето А.Д.(39) од Делчево, вработена во казиното, се наведува во полицискиот извештај.
Кривичната пријава е поднесена од Надворешната канцеларија за криминалистички работи Делчево поради постоење основи на сомнение за сторено кривично дело „фалсификување пари”. вс/хс/
