Регионалниот центар за гранични работи Југ, до Основното јавно обвинителство за гонење на организиран криминал и корупција Скопје, поднесе кривична пријава против 47-годишен скопјанец со иницијали Ш.С. поради сомнение за сторено кривично дело криумчарење мигранти.
Пријавениот, на 31 август годинава прифатил 12 илегални мигранти од Куба со патничко возило „фолкаваген туран“ со скопски регистарски ознаки и организирал нивен превоз со четири различни такси возила до Гевгелија, при што на таксистите лажно им ја претставил фактичката состојба за статусот на мигрантите.
По преземени мерки, тој бил лишен од слобода и приведен во полициската станица Кисела Вода.
