До лето 60 проценти од светското население ќе се здобие со имунитет на коронавирусот, што ќе ни овозможи да се вратиме во нормален живот во август, изјави портпаролот на Кремљ.
Според Дмитриј Песков, ситуацијата во голема мера ќе зависи од појавата на имунитет на коронавирусот кај жителите на земјата.
Песков потсети дека, според пресметките на имунолозите, потребно е да се појави имунитет кај околу 60 проценти од популацијата на планетата, како по природен така и по вештачки пат.
„Ми се чини дека таквите имунизации треба да дојдат во средината на летото“, додаде портпаролот на Кремљ. Според него, на тоа се работи, иако во различни насоки, во многу земји.
Меѓу другото, тој го посочи успехот на Израел, како и забрзувањето на вакцинацијата во Русија и САД.
Од почетокот на пандемијата на коронавирус, околу 105,8 милиони луѓе биле заразени во светот, од кои 2,3 милиони починале.
