Портпаролот на Кремљ, Дмитриј Песков, за време на денешниот брифинг со новинарите изјави дека „непријателската реторика доаѓа од Полска“ и дека „Варшава може да биде извор на закана за Русија“.
Песков ова го изјави по повикот на Полска до Европската унија да ги заостри санкциите кон Русија и НАТО дополнително да ја вооружи Украина.
Претходно оваа недела полската министерка за животна средина и клима, Ана Москва, рече дека „Полска е горда што е на листата на непријателски земји на Путин“.
Песков рече и дека не знае дали на 9 мај во Мариупол ќе се одржи парада во спомен на победата на Советскиот Сојуз во Втората светска војна.
– Ќе дојде време да се одбележи Денот на победата во Мариупол, рече тој, пренесе српскиот портал Курир.