На Германија и треба разумен соседски однос со Русија, но треба да биде подготвена да ги заштити своите национални интереси, доколку е потребно, рече германската министерка за одбрана Анегрет Крамп-Каренбауер.
Во интервју за германски „Цајт онлајн“, таа ја обвини Русија дека е многу агресивна во одбраната на своите интереси, пренесува ТАСС.
„Ни треба разумно соседство со Русија“, рече Крамп-Каренбауер и додаде дека во исто време Берлин треба да претстави јасно дефинирана позиција и да покаже дека е подготвен да се одбрани во случај на сомнеж.
