Утрински Весник
Македонија

Концертни пијана за Центарот за култура и училиштата во Кичево од печалбари од САД

Концертни пијана за Центарот за култура и училиштата во Кичево од печалбари од САД

Кичево, 18 февруари 2020 (МИА) – Печалбари од Кичевско кои живеат и работат во САД  им подарија нови концертни пијана од марката „Каваи“ на Центарот за култура во Кичево и на шест основни училишта.

Мазлам Османи, директор на НУ Центар за култура во Кичево, изјави дека печалбари од кичевскиот регион, кои подолг период живеат и работат во САД,  ги подариле инструментите од јапонско производство и имаат првокласен звук.

– Пијаното е поставено на сцената во големата сала и ќе им биде на располагање на уметниците од градот, како и на гостите кои ќе настапуваат во нашиот Центар за култура. Познато е дека нашиот град изобилува со голем број музички таленти, изјави Османи.

Општина Кичево помогна да се помине без проблеми постапката за царинење на пијаната. рз/хс/

Извор: mia.mk

Можете да прочитате

ЕУ ја забранува испораката на пластичен отпад во Македонија

Лишено од слобода едно лице поради незаконит лов со оружје за ноќно ловење

Расчистено кривично дело „тешка кражба“ извршено во Здравствена установа во Виница