Скопје, 2 февруари 2020 (МИА) – Националната агенција за европски образовни програми и мобилност во рамки на активностите на мрежата Евридика и во соработка со Министерството за образование и
наука денеска ја организираат конференцијата „Дигатално или дигипадно (Digital or Digifall)“.
Главна цел на конференцијата, како што информираат организаторите, е да поттикне дискусија за новата финансиска рамка на програмата Еразмус+ каде посебен акцент се става на дигитализацијата на
високообразовните институции (Erasmus Without Paper), како и за таканаречената Иницијатива за Еразмус студентска картичка (Erasmus Student Card Initiative).
Покрај проректорите за меѓународна соработка во високообразовните институции и Еразмус+ координаторите, на конференцијата ќе присуствуваат претставници на студентските здруженија, како на тинк-тенк организации кои се занимаваат со областа на образованието.фф/са/
