Јирген Клоп застана во одбрана на своите фудбалери кои една недела по прославата на шампионската титула, синоќа доживеаја тежок пораз од Манчестер сити (4-0).
Германскиот тренер и покрај поразот нема што да им забележи на своите избраници.
„Видов брилијантен став. Не се однесувавме како некој кој пред една недела стана шампион, се беше добро. Немавме флуидност, тоа е сигурно. И некои од ситуациите кои беа 50-50 беа во нивна корист“, рекол Клоп.
Тренерот на Ливерпул рекол дека резултатот 4-0 (на Сити му беа поништени и два гола) не е реален.
„Тие ги искористија своите шанси, ние не. Сити 100 отсто ја заслужија победата, но требаше да заврши 5-3. Сепак беше 4-0 и тоа мораме да го прифатиме.“
Ливерпул во наредното коло ќе ја пречека Астон Вила.
> Клоп: Требаше да биде 5-3 за нив <
