Кијану Ривс беше забележан со некои фанови на неговиот Arch мотоцикл откако застана во Малибу за да се одмори од возењето.
Aктерот е ко-сопственик и ко-основач на мала компанија за производство на мотоцикли, Arch Motorcycles.
Папараците го уловија 56-годишниот холивудски љубимец како разговара со група луѓе во вторникот попладне, додека одмараше од возењето.
Се чини дека ѕвездата на „Матрикс“ е добро расположен додека се дружи со фановите пред да се врати на патот.
Таблоидите потсетуваат дека тој никогаш не бега од своите фанови и секогаш наоѓа начин да комуницира со со нив.
Кијану е еден од ретките во Холивуд кој ја покажува својата човечност и приземност. На сите им се познати сведоштвата за неговите донации, или пак, тоа дека нема проблем да се вози во јавен превоз или да седне на клупа и набрзина да јаде или испие кафе.
Во повеќе наврати е фатен како им помага на бездомници и со нив пие пијалок и разговара.
За разлика од оние кои уживаат во гламур, луксузни автомобили и скапи ресторани, Кијану е многу скромен и плени со едноставноста со која зрачи. Тој важи за еден од најприземните филмски ѕвезди, а поголем дел од неговата заработка од најуспешните блокбастери ги донира за болници и за борба против леукемијата.
.
