Кичево, 10 април 2020 (МИА) – Кичевското хуманитарно здружение од Виена, поддржано од многу кичевчани кои живеат и работат во Австрија, собра 6.500 евра и подготви 180 пакети со храна, кои ќе бидат дистрибуирани во Кичево и околните места.
Координаторот на оваа хуманитарна помош Башкими Бајрами, во координација со локалните заедници, вели дека пакетите треба да стигнат до социјално загрозени семејства, на кои им е потребна помош во овие тешки моменти поради состојбата со коронавирусот. рз/ир
