Кина ја започна својата прва мисија со ровер што го испрати на Марс за да ја истражи геологијата на таа планета.
Роботот со шест тркала е лансиран од вселенската станица Венчанг, а во орбитата на Марс треба да пристигне во февруари следната година, јавува „Би-би-си“.
По пристигнувањето роверот нема да слета на површината на Марс уште два до три месеци, што ќе им овозможи на инженерите да ги проценат атмосферските услови на Марс пред да започнат со спуштање.
< China : to Mars >
Tianwen-1 was launched on a Long March-5 carrier rocket from Hainan Island, off China’s south coast https://t.co/9FAmyPFQc1— Milkyway (@Milkywa79686368) July 23, 2020
Роверот ќе слета северно од екваторот на Марс, а неговата задача е да ја проучи геологијата на тој дел од планетата на и под површината.
Кинескиот ровер тежи околу 240 килограми и го движат склопливи соларни панели.
Има камери за снимање и помош за навигација – пет дополнителни инструменти ќе помогнат да се процени составот на карпите.
Ова е една од трите мисии кои одат на Марс во растојание од 11 дена. Обединетите Арапски Емирати го лансираа својот сателит пред три дена, а за една недела, НАСА ќе го испрати на Марс својот ровер од новата генерација.
