Кина никогаш нема да ја нападне Украина, изјави кинескиот амбасадор во Украина Фан Ксијанронг за време на средбата со гувернерот на регионот Лавов, Максим Козицки.
„Ќе помогнеме, особено економски. Во оваа ситуација во која се наоѓате, ќе се однесуваме одговорно“, рече кинескиот амбасадор во Украина.
Тој додаде дека Кина е пријателска земја на украинскиот народ.
„Како амбасадор, одговорно можам да кажам дека Кина секогаш ќе има позитивни односи со Украина, и економски и политички“, рече тој.
