Олексиј Арестович, советник на шефот на кабинетот на Владимир Зеленски, рече дека мировниот договор меѓу Русија и Украина може да биде постигнат најрано за една до две недели, а најдоцна во мај.
„ Мислам дека треба да постигнеме мировен договор најдоцна до мај, а можеби и многу побрзо“, рече Арестович, пренесе РИА Новости.
Четвртата рунда преговори меѓу Русија и Украина се одржа вчера преку видео-конференција.
По разговорите, украинскиот преговарач Михаил Подољак изјави дека е направена техничка пауза, а преговорите ќе продолжат денеска.
