На територија на град Скопје вчера биле изречени вкупно 90 казни, меѓу кои за возење над дозволената брзина 18 санкции, девет мерки за возење без возачка дозвола, 20 санкции за прекршоци што ги прават возачите на мотоцикл.
Изречени биле и четири казни за возачи почетници, седум санкции за технички неисправни и нерегистрирани возила, една мерка за минување на затворен сигнал (црвено светло), две мерки за неносење на сигурносен појас.
Засилените акциски контроли продолжуваат, најави полицијата и апелира до граѓаните да ги почитуваат сообраќајните правила и прописи.