Властите во Казахстан соопштија дека ја стабилизирале ситуацијата ширум земјата по најсмртоносното насилство во последните 30 години независност, а војниците на воената алијанса предводена од Русија ги чуваат стратешките објекти.
Официјалните лица за безбедност и разузнавање го информираа претседателот Касим Жомарт Токаев дека продолжуваат со акциите за „чистење“ во, како што рече, големата антитерористичка операција низ поранешната советска република која произведува нафта и се граничи со Русија и Кина.
Минатата недела беа убиени десетици луѓе, илјадници беа приведени, а јавните згради беа опустошени, поради што Токаев им нареди на безбедносните сили да пукаат и убиваат за да се стави крај на насилството за коешто тој ги обвинува бандите и терористите.
На покана на Токаев, Организацијата на Заедничкиот безбедносен договор предводена од Русија испрати војници за да го воспостават редот, а интервенцијата доаѓа во време на високи тензии во односите меѓу Русија и САД пред разговорите за украинската криза.
