Сопругата на Лионел Меси, Антонела Рокуцо вели дека е подготвена за „новото поглавје полно со многу можности“, откако Меси потпиша двегодишен договор со Пари Сен-Жермен, завршувајќи го долгиот престој во Барселона, каде што тие двајца и нивните три сина направија дом.
По првата официјална прес-конференција на Меси во Париз, Антонела на социјалните мрежи објави фотографија со него и со трите сина на теренот на „Паркот на принцовите“.
„Прекрасно поглавје завршува, но сега се отвара ново поглавје полно со можности. Сите промени се тешки на почетокот, но заедно ќе продолжиме да ја пишуваме нашата историја. Те сакаме Лео Меси и сите сме со тебе“, напиша Рокуцо на Инстаграм.
Меси и неговата сопруга се познаваат од детството, првпат среќавајќи се кога Меси имал само 5 години. По долга врска тие влегоа во брак во 2017 година и имаат три сина – Тијаго, Матео и Чиро.
View this post on Instagram
> И сопругата на Меси очекува „многу можности“ во Париз <
