Италијанскиот Национален институт за здравство препорачува бремените жени да се вакцинираат против Ковид -19 после првите три месеци од бременоста.
Во соопштението се наведува дека на жените им се препорачува да примаат две вакцини во вториот и третиот триместар од бременоста.
Според соопштението, одлуката е донесена бидејќи има се повеќе докази за безбедноста на вакцините за време на бременоста, и за фетусот и за мајката.
„ Жените кои сакаат да се вакцинираат во првиот триместар треба да направат проценка на ризик и придобивки кај лекар“ – се посочува во соопштението, при што се укажува на повишена температура, што е една од можните реакции на вакцината и може да предизвика ризик од деформитат кај плодот.
Жените кои дојат можат да се вакцинираат, а новороденчињата можат безбедно да апсорбираат антитела преку млекото.
Голем број држави издадоа препорака оваа година дека бремените жени можат да се вакцинираат против Ковид-19, откако се утврди дека вакцините се безбедни.
