Скопје, 17 февруари 2020 (МИА) – Субвенции во висина од 354 милиони денари им се исплатени на вкупно 12.500 сточари кои одгледуваат говеда. Субвенциите се исплатени преку мерката „Директни плаќања за обележани грла говеда“.
Од Агенцијата денеска информираа дека во изминатиот период се исплатени и субвенции за полјоделците, градинарите, лозарите и овоштарите.
– Агенцијата за финансиска поддршка во земјоделството и руралнот развој и во наредните денови ќе продолжи со редовната исплата на субвенциите за сите лица кои правно – законски се стекнале со право за користење на оваа финансиска поддршка. Праксата за навремена и неселективна исплата на субвенциите продолжува. Парите за земјоделски субвенции се исплаќаат во период кога на земјоделците средствата им се најпотребни, односно пред почеток на новата реколта, посочуваат од Агенцијата.
Од почетокот на мандатот на Владата досега исплатени се околу 370 милиони евра субвенции. бак/скс/
