Во удари од гром загинаа 20 луѓе во осум области на источната индиска држава Бихар за само 24 часа, објави утринава Би-Би-Си.
За денеска и утре се предвидуваат повеќе грмежи со удари во северните делови на државата.
Официјални лица во Бихар апелираа до жителите внимателно да ги следат советите на властите за управување со катастрофи и најавија дека на семејствата на загинатите ќе им биде исплатена отштета во вредност од пет илјади американски долари.
Во Индија стотици луѓе годишно умираат од грмотевици за време на монсунските дождови. Големиот број на жртви се должи на тоа што голем број луѓе во Индија работат на отворено.