Утрински Весник
Македонија
Img 7972

Измамник од тетка си барал пари за лекување на родителите, па ги потрошил во казино

Измамник од тетка си барал пари за лекување на родителите, па ги потрошил во казино
Img 7972

Полицијата поднесе кривична пријава против 41-годишен велешанец со иницијали А. Д. поради сомнение за сторено кривично дело измама.

Како што информираат од МВР, на 10 септември годинава, пријавениот, на тетка си телефонски ѝ кажал дека неговите родители имале сообраќајна несреќа, во која била повредена сестра ѝ и дека од болницата им побарале пари за нејзино лекување.

Таа му дала 450 евра, а кога се јавил и повторно побарал пари за лекување на неговите родители, таа се посомневала и отишла во болницата во Тетово да ги провери наводите.

Кога ѝ било потврдено дека нема пациенти со такви лични податоци, случајот го пријавила во полиција.

Набргу потоа измамникот бил пронајден и приведен, а во службен разговор со полициски службеници изјавил дека парите ги потрошил во казино.

Можете да прочитате

Димитриевски: Куманово прераснува во регионален економски центар

Филипче: Со Вачно Митев да го вратиме Зрновци на патот на развојот

Симонов: Приоритет е енергетски ефикасна општина и борба против регионална депонија