Бирото за конзуларни прашања на Стејт департментот ги предупреди Американците ширум светот на закани од терористички напади и насилство врз американските граѓани и интереси во странство.
– Стејт департментот и понатаму е загрижен за континуираната закана од терористички напади, демонстрации и други насилни дејства против американските граѓани и интереси во странство. Стејт департментот верува дека постои поголем потенцијал за антиамериканско насилство со оглед на смртта на Ајман ал Завахири на 31 јули 2022 година, се вели во предупредувањето.
Worldwide Caution: We remain concerned about the threat of terrorist attacks and violence against U.S. citizens and interests overseas. We believe there is higher potential for anti-American violence given the death of Ayman al-Zawahiri on July 31, 2022. https://t.co/ad8wyvaNlT pic.twitter.com/R0t1eSGo0Q
— Travel – State Dept (@TravelGov) August 3, 2022
Понатаму се додава дека сегашните информации сугерираат дека терористичките организации продолжуваат да планираат терористички напади против американските интереси во повеќе региони низ светот.
– Овие напади можат да користат широк спектар на тактики, вклучувајќи самоубиствени операции, атентати, киднапирања и бомбашки напади – се додава во соопштението, пренесе Телеграф.рс.
