Во скијачкиот центар Пампорово, во јужна Бугарија, уапсен е маж кој издал лажни ковид потврди со кои се потврдува постоењето на антитела за сума од 150 евра.
За оваа цена тој ги внесувал податоците за „пациентот“ во информацискиот систем на Министерството за здравство.
Уапсениот е вработен во медицинската лабораторија во ски-центарот, но не е лекар, соопшти обвинителството, пренесуваат бугарските медиуми.
Станува збор за кривично дело нарушување на критичната инфраструктура на државата, а казната за тоа е – затвор од 5 до 8 години и парична казна од над 5.000 евра, е наведено во написите.
