Британскиот актер Идрис Елба на крајот на овој месец ќе добие едно од највисоките почести што ги доделува британската академија за филмска и телевизиска уметност (БАФТА), а тоа е специјална телевизиска награда.
Главната ѕвезда во хит-сериите „Лутер“ и „Жица“ признанието ќе го прими на виртуелна церемонија на доделување на „Бафта“ награди (попознати како британски „Оскари“), на 31 јули.
Елба рече дека наградата е голема привилегија и дека негова мисија е да им се да дадат можности на новите таленти.
„Мојата мисија е да обезбедиме можност и пристап во филската индустрија на нови таленти од различно потекло, што е иста можност што јас ја добив пред многу години“, рече британскиот актер кој е едно од омилените холивудски лица.
Досегашни добитници на оваа специјална телевизиска награда се Клер Балдинг, Сила Блек, Сер Лени Хенри и коментаторот Џон Мотсон.
