Пејачката Ивана Банфиќ открива детали за состојбата во Хрватска по разорниот земјотрес со јачина од 6,3 степени според Рихтеровата скала. Како што наведува таа за „Блиц“, итната помош не стигнува секаде па соседите ги пренесуваат повредените во нивниот автомобил и гепек.
Банфиќ, која со сопругот и синот живеат недалеку од Петриња, местото кое денеска беше погодено од силен земјотрес, се огласи и откри дека сите се во добра состојба, но многу исплашени.
„ Драги мои кои се обидувавте да ме добиете на телефон. Ние сме сите добро, живи и здрави. Епицентарот беше на 3 километри од нас. Ова е најстрашно искуство во животот… Ни падна кровот, се се сруши, во куќата се уште не сум била, бидејќи многу се плашам. Седам со детето и сопругот во комбе. Луѓето во Сисак сите се на улица, ги превозуваат повредените со автомобили и во гепек, зашто итната помош не стигнува кај сите“ рекла Банфиќ и додала дека се ќе се поправи, но животот нема да се врати ако го изгубиме.
„Останува да веруваме дека се ќе биде добро…Тоа е единствено што можеме“ заклучи таа.
